Balakəndə nəvəsinin toyuna gedən nənəni avtomobil vurub

Balakən. 19 dekabr. REPORT.AZ/ Balakən rayonunda qadını avtomobil vurub. 

"Report"un Şimal-qərb bürosunun məlumatına görə, hadisə Balakən şəhərindəki şadlıq evlərindən birinin qarşısında baş verib. 

Belə ki, dekabrın 19-da axşam saatlarında qız nəvəsinin toyuna gedən nənəni naməlum avtomobil vurub. Sürücü hadisə yerindən qaçıb. Yaralı xəstəxanaya yerləşdirilib. 

Faktla bağlı araşdırma aparılır.