​Bakıda quldurluq edən iki nəfər tutulub

Bakı. 11 sentyabr. REPORT.AZ/ Bakının Xəzər rayonunda quldurluq edən iki nəfər saxlanılıb. Xəzər Rayon Polis İdarəsindən (RPİ) Report-a verilən məlumata görə cinayətdə şübhəli bilinən Bakı şəhər sakinləri Elçin Babayev və Eyvaz Bəkirov tutularaq istintaqa təqdim olunub. Hər iki şəxs  sentyabrın 8-də Nazim Abbasovun 2000 manatını quldurluq yolu ilə ələ keçirməkdə təqsirli bilinir.

Faktla bağlı E.Babayev və E.Bəkirov barəsində Xəzər RPİ-də cinayət işi başlanılıb, istintaq davam edir.