Yuxarı

Bakıxanovda maşın səkiyə çırpılıb, 3 nəfər xəsarət alıb

Bakıxanovda maşın səkiyə çırpılıb, 3 nəfər xəsarət alıb
Yaralılardan birinin vəziyyəti ağırdır

Bakı. 27 may. REPORT.AZ/ Bakının Sabunçu rayonunda 3 nəfərin xəsarət alması ilə nəticələnən yol qəzası baş verib.

"Report" xəbər verir ki, Bakıxanov qəsəbəsində yol ilə hərəkətdə olan naməlum markalı minik avtomobili idarəetməni itirərək səkiyə çırpılıb.

Nəticədə avtomobildə olan 1989-cu il təvəllüdlü Hümbətov Akif Eyvaz oğlu, 1972-ci il təvəllüdlü Babayev Məzahir Süleyman oğlu və 1974-cü il təvəllüdlü Verdiyev Malik Maarif oğlu xəsarət alaraq xəstəxanaya yerləşdirilib.

Həkimlərin məlumatına görə, Babayev Süleymanın vəziyyəti ağır olduğundan, o, Reanimasiya şöbəsinə yerləşdirilib.

Faktla bağlı Daxili İşlər Nazirliyinin Baş Təhqiqat və İstintaq İdarəsində araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi