Bakıda yol qəzası tıxaca səbəb oldu - FOTO

Bakıda yol qəzası baş verib.

"Report"un məlumatına görə, hadisə paytaxtın Nərimanov rayonunda qeydə alınıb.

Həsən Əliyev prospektindəki tuneldə “10-BY-448” dövlət nömrə nişanlı "Hyundai" markalı avtomobil “90-LK-266” dövlət nömrə nişanlı "Mercedes" markalı avtomobili arxadan vurub. Hadisə nəticəsində xəsarət alan olmasa da, hər iki avtomobilə ziyan dəyib.

Qəza yerinə DYP əməkdaşları və təxliyə maşını gəlib. Qeyd edək ki, hadisə ilə əlaqədar ərazidə tıxac yaranıb. Hazırda tıxacın aradan qaldırılması istiqamətində işlər görülür.