Bakıda yol qəzası baş verib, xəsarət alan var

Bakıda xəsarətlə nəticələnən yol qəzası baş verib.

"Report" xəbər verir ki, hadisə Nərimanov rayonunda qeydə alınıb.

"Lexus" markalı avtomobil 1992-ci il təvəllüdlü Hüseynov Amil Nəcəf oğlunun idarə etdiyi "VAZ-2106" markalı avtomobillə toqquşub. Hadisə nəticəsində A.Hüseynov xəsarət alıb. O, 1 saylı Kliniki Tibbi Mərkəzə yerləşdirilib. Yaralıya kəllə-beyin travması diaqnozu qoyulub.