Yuxarı
    Bağlamaq

    ​Bakıda yol polisini öldürən oğlanın atası saxlanılıb

    Bakı Ağır Cinayətlər Məhkəməsinin hökmü ilə Hüseyn İsmayılova 14 il 6 ay həbs cəzası verilib

    Bakı. 17 yanvar. REPORT.AZ/ Bakıda ötən gecə Dövlət Yol Polisinin (DYP) keçirdiyi reyddə 3 il əvvəl DYP əməkdaşını avtomobillə vurub öldürmüş şəxsin atası saxlanılıb.

    Bu barədə “Report”a hüquq-mühafizə orqanlarından bildirilib.

    İsmayıl Həsənov avtomobili sərxoş vəziyyətdə idarə etdiyi üçün Bakının Nobel prospektində saxlanılıb.

    Araşdırma nəticəsində onun oğlu - 1990-cı il təvəllüdlü Hüseyn İsmayılovun Yol Patrul Xidmətinin (YPX) əməkdaşı Mehman Kərimovu 2012-ci ildə Sabunçu rayonu, Aeroport şosesində vurub oldürdüyü məlum olub.

    İ.Hüseynov polisə tabe olmayıb. O, saxlanıldıqdan sonra 37-ci polis bölməsinə, avtomobili isə “Cərimə meydançası”na aparılıb. Saxlanılan şəxs barəsində protokol tərtib edilib.

    Qeyd edək ki, Bakı Ağır Cinayətlər Məhkəməsinin hökmü ilə H.İsmayılova 14 il 6 ay həbs cəzası verilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi