Bakıda yataqxanada baş verən yanğının qəsdən törədildiyi məlum olub

Bu il martın 6-da Bakı şəhəri, Nərimanov rayonu, Malik Məmmədov 12 ünvanında yerləşən yataqxanada baş verən yanğının qəsdən törədildiyi məlum olub.

“Report” xəbər verir ki, bunu jurnalistlərə açıqlamasında Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev deyib.

O bildirib ki, faktla bağlı cinayət işi başlanılıb.

Qeyd edək ki, hadisə nəticəsində 2 nəfər ölmüş, 6 nəfər xəstəxanaya yerləşdirilmişdi.