Bakıda yaşlı kişi küçədə bıçaqlanıb

Bakı. 25 iyun. REPORT.AZ/ Bakının Xəzər rayonunda bıçaqlanma hadisəsi baş verib.

"Report" xəbər verir ki, 1967-ci il təvəllüdlü Əhmədov Alik Sarı oğlu Binə qəsəbəsi, "Südçülük sovxozu" kimi tanınan ərazidə tanışı ilə mübahisə edib.

Bu zaman o, bıçaqlanıb. Xəsarət alan şəxs 3 saylı Şəhər Kliniki Tibbi Mərkəzə yerləşdirilib.

Faktla bağlı Xəzər Rayon Polis İdarəsində istintaq araşdırmaları aparılır.