Bakıda yaşayış binasında yanğın baş verib, sakinlər təxliyə edilib

Bakı. 24 fevral. REPORT.AZ/ Bakıda yaşayış binasında yanğın baş verib.

"Report" Fövqəladə Hallar Nazirliyinin saytınas istinadən xəbər verir ki, paytaxtın Suraxanı rayonunda çoxmərtəbəli binanın 2-ci mərtəbəsinin pilləkən qəfəsində quraşdırılmış 9 ədəd elektrik sayğacı yanıb.

Yanğın zamanı 5 nəfər bina sakini yanğınsöndürənlər tərəfindən təxliyyə edilib. Mənzillər yanğından mühafizə olunub.

Yanğın saat 01:30-da yanğınsöndürənlər tərəfindən söndürülüb.