Bakıda xadimə işlədiyi evdən 5000 manat və 15600 dollar oğurlayıb

Bakı. 21 avqust. REPORT.AZ/ Bakıda xadimə işlədiyi evdən külli miqdarda pul və qızıl-zinət əşyaları oğurlayıb.

Daxili İşlər Nazirliyinin Mətbuat xidmətindən "Report"a verilən məlumata görə, Nəsimi rayon Polis idarəsinin 21-ci polis bölməsinin əməkdaşlarının keçirdikləri əməliyyat-axtarış tədbirləri nəticəsində bu il fevralın 5-dən avqustun 16-dək olan müddətdə rayon ərazisindəki evlərin birindən 5000 manat və 15600 ABŞ dolları, habelə 3400 manat dəyərində qızıl üzük oğurlamaqda şübhəli bilinən, orada xadimə işləyən Lənkəran şəhər sakini Günel Piriyeva saxlanılıb.