Bakıda ticarət mərkəzində gənc oğlan bıçaqlanıb

Bakı. 28 fevral. REPORT.AZ/ Bakıda 21 yaşlı oğlan dostu tərəfindən bıçaqlanıb.

"Report"un xəbərinə görə, hadisə Xəzər rayonunda qeydə alınıb.

Belə ki, Binə qəsəbəsində "Bolluq" ticarət mərkəzində 1996-ci il təvəllüdlü Həbibov Asif Ziyad oğlu dostu (hələlik adı məlum deyil) tərəfindən bıçaqlanıb. A.Həbibov ağır xəsarət alaraq xəstəxanaya yerləşdirilib.

Faktla bağlı Xəzər Rayon Polis İdarəsi tərəfindən araşdırma aparılır.