Yuxarı
    Bağlamaq

    Bakıda terrorçuluq barədə bilə-bilə yalan məlumat verməkdə təqsirləndirilən şəxsə hökm oxunub

    Hakim Şəkər Məmmədovanın sədrliyi ilə keçirilən prosesdə hökm oxunub

    Bakı. 9 avqust. REPORT.AZ/ Bu gün Bakı Ağır Cinayətlər Məhkəməsində terrorçuluq barədə bilə-bilə yalan məlumat verməkdə təqsirləndirilən Rahib Sahabovun cinayət işi üzrə məhkəmə iclası başa çatıb.

    "Report"un məlumatına görə, hakim Şəkər Məmmədovanın sədrliyi ilə keçirilən prosesdə hökm oxunub.

    O, məhkəmənin hökmü ilə 6 il müddətinə azadlıqdan məhrum edilib.

    İttiham aktına əsasən, R.Sahabov 2016-cı ilin noyabr ayında Masazır qəsəbəsində yaşadığı evdən Daxili İşlər Nazirliyinin "102 Xidməti"nə zəng edib. O vəhhabi təriqətinin üzvlərinin “20 Yanvar” metro stansiyasını partladacağını deyib.

    Məlumatla bağlı müvafiq araşdırma aparılıb, lakin məlumat təsdiqini tapmayıb. R.Sahabov keçirilən əməliyyat nəticəsində həbs edilib.

    O, Cinayət Məcəlləsinin 216-cı (terrorçuluq barədə bilə-bilə yalan məlumat vermək) maddəsi ilə ittiham edilir.

    R.Salahov məhkəmədə elan olunmuş ittiham üzrə özünü təqsirli bilib. O deyib ki, zəng vuran zaman içkili olub: “İçmişəm, piyan olmuşam. Hadisədən əvvəl bir həftə hər gün içirdim, qardaşım rəhmətə getmişdi. Peşmanam, nə dediyimi, niyə dediyimi də bilmədim”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi