Yuxarı

Bakıda sürücü vurub öldürdüyü şəxsin meyitini başqa yerə aparıb

Araşdırmalar davam etdirilir

Bakı. 31 may. REPORT.AZ/ Bakının Xəzər rayonu, Albalı yaşayış massivində (Buzovna qəsəbəsi) yol kənarında tapılmış kişi meyitinin yol qəzası nəticəsində öldükdən sonra oraya gətirildiyi məlum olub.

“Report”un xəbərinə görə, hüquq-mühafizə orqanları əməkdaşlarının araşdırması nəticəsində məlum olub ki, Bakı şəhər sakini, 27 yaşlı Pərvin Tağıyev idarə etdiyi “Mercedes” markalı avtomobillə ehtiyatsızlıqdan Ruslan Əzimovu vurub.

Bundan sonra P.Tağıyev avtomobildə olan sərnişinləri - 17 yaşlı Kamal Abdullayev və 25 yaşlı Seyfi Nəcəfzadə ilə birlikdə R.Əzimovun meyitini hadisə yerindən götürərək Albalı yaşayış massivində yol kənarına atıb.

Faktla bağlı araşdırmalar davam etdirilir.

Xatırladaq ki, ötən həftə Albalı yaşayış massivində (Buzovna qəsəbəsi) yol kənarında təxminən 30-35 yaşlarında kişi meyiti tapılıb həmin şəxsin sağ ayağının sındığı və sifət nahiyəsində çoxsaylı xəsarətlər olduğu müəyyənləşib.

Hüquq-mühafizə orqanlarının əməkdaşları tərəfindən keçirilən əməliyyat tədbirləri nəticəsində onun şəxsiyyəti müəyyən edilib. Məlum olub ki, ölən şəxs Şağan qəsəbə sakini, 1977-ci il təvəllüdlü Ruslan Əzimovdur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi