Bakıda sevgilisini və onun atasını öldürən şəxsə ömürlük cəza verilib - YENİLƏNİB

Bakıda sevgilisini və onun atasını öldürən şəxsə ömürlük cəza verilib - YENİLƏNİB Bakı. 24 yanvar. REPORT.AZ/ Bu gün Bakı Ağır Cinayətlər Məhkəməsində iki nəfəri öldürməkdə təqsirləndirilən Sahib Hacıyevin cinayət işi üzrə məhkəmə iclası başa çatıb.
Hadisə
24 Yanvar , 2018 11:46
Bakıda sevgilisini və onun atasını öldürən şəxsə ömürlük cəza verilib - YENİLƏNİB

Bakı. 24 yanvar. REPORT.AZ/ Bu gün Bakı Ağır Cinayətlər Məhkəməsində iki nəfəri öldürməkdə təqsirləndirilən Sahib Hacıyevin cinayət işi üzrə məhkəmə iclası başa çatıb.

“Report”un xəbərinə görə, hakim Samir Əliyevin sədrliyi ilə keçirilən prosesdə ona hökm oxunub.

Məhkəmənin hökmü ilə S.Hacıyev ömürlük azadlıqdan məhrum edilib.


*** 11:29

Bakı. 24 yanvar. REPORT.AZ/ Bu gün Bakı Ağır Cinayətlər Məhkəməsində adam öldürməkdə təqsirləndirilən Sahib Hacıyevin cinayət işi üzrə məhkəmə iclası davam etdirilib.

“Report”un xəbərinə görə, hakim Samir Əliyevin sədrliyi ilə keçirilən prosesdə dövlət ittihamçısı çıxış edib.

Prokuror çıxışında S.Hacıyevin ömürlük azadlıqdan məhrum edilməsini istəyib.

Proses davam etdirilir.

Qeyd edək ki, ötən il Abşeron rayonu, Bakı-Şamaxı yolunun Sulutəpə ərazisindən keçən hissəsində yol kənarında bıçaqla qətlə yetirilmiş kişi və qadın meyiti aşkar olunub.

Araşdırmalar nəticəsində meyiti tapılan şəxs lərin Müşfiq qəsəbə sakinləri -1953-cü il təvəllüdlü Əsədov Allahverdi Bədirxan oğlu və onun qızı, 1979-cu il təvəllüdlü Əsədova Samirə Allahverdi qızı olmaları müəyyən edilib.

Həyata keçirilən əməliyyat tədbirləri nəticəsində qətlin S.Əsədova ilə qeyri-rəsmi nikah münasibətlərdə olan S.Hacıyev tərəfindən törədilməsi müəyyən edilib və o, saxlanılıb.

Son xəbərlər

Orphus sistemi