Yuxarı

​Bakıda sevdiyi qızı 15 bıçaq zərbəsilə öldürən gənc: “Evlilik təklifimi rədd etdi...”

Cinayət işinin istintaqı başa çatıb

Bakı. 12 fevral. REPORT.AZ/ Bakıda sevdiyi qızı qətlə yetirən şəxsin cinayət işinin istintaqı başa çatıb. “Report”un xəbərinə görə, 1990-cı il təvəllüdlü Babək Əliyevin törətdiyi cinayət hadisəsi üzrə Bakı şəhəri Nizami Rayon Prokurorluğunda aparılmış istintaq yekunlaşdırılaraq baxılması üçün Bakı Ağır Cinayətlər Məhkəməsinə göndərilib.

Hadisə 2015-ci ilin oktyabr ayında baş verib. B.Əliyev İlahə Yusubovanı qətlə yetirib. O, istintaqa ifadəsində bildirib ki, dəfələrlə tanışı İ.Yusubovaya evlilik təklifi edib, lakin heç vaxt qarşılıq almayıb. Keçən il oktyabrın 29-da B.Əliyev sevdiyi qızı metronun “Qara Qarayev” stansiyasının yaxınlığına görüşə çağırıb. Növbəti dəfə rədd cavabı alan B.Əliyev İ.Yusubovanı yerə yıxaraq ona 15 dəfə bıçaq zərbəsi endirərək xüsusi amansızlıqla qətlə yetirib.

Fakt üzrə Cinayət Məcəlləsinin 120.2.4-cü (xüsusi amansızlıqla və ya ümümi təhlükəli üsulla adam öldürmə) maddəsi ilə cinayət işi başlanılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi