Yuxarı

Bakıda sərxoş kişini döyərək öldürən şəxs saxlanılıb

Faktla bağlı araşdırmalar aparılır

Bakı. 29 dekabr. REPORT.AZ/ Bakıda sərxoş kişini döyərək öldürən şəxs saxlanılıb. "Report" Daxili İşlər Nazirliyinin (DİN) rəsmi saytına istinadən xəbər verir ki, dekabrın 24-də Səbail rayonu ərazisindən Bakı şəhər sakini İqor Samoylenko sərxoş halda xəstəxanaya gətirilb və dekabrın 27-də orada ölüb. Həmin gün Maya Nikolayevna Batolova Səbail Rayon Polis İdarəsi (RPİ) 8-ci Polis Bölməsinə (PB) müraciət edərək, dekabrın 24-də oğlu İ.Samoylenkonun naməlum şəxs tərəfindən döyüldüyünü bildirib. Səbail RPİ 8-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən Bakı şəhər sakini Nəsrulla Zaqidulin tutulub.

Faktla bağlı araşdırmalar aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi