Bakı. 17 noyabr. REPORT.AZ/ Bakıda sağlamlıq komplekslərindən birində oğurluq hadisəsi baş verib. “Report”un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.
Məlumatda bildirilib ki, Səbail Rayon Polis İdarəsinin (RPİ) 41-ci Polis Bölməsi (PB) əməkdaşlarının həyata keçirdikləri əməliyyat-axtarış tədbirləri nəticəsində sağlamlıq kompleksində işləyən Xanım Nəsirovanın və Alisa Cəfərovanın iş otaqlarından, habelə Gülnarə Axundovanın çantasından pul oğurlamış Ağdam rayon sakini, əvvəllər məhkum olunmuş Sevgiladə Quliyeva tutulub.
Faktla bağlı araşdırmalar davam etdirilir.