Bakı. 3 noyabr. REPORT.AZ/ Bakıda restorandan oğurluq edən şəxslər tutulub. “Report”un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.
Belə ki, Səbail Rayon Polis İdarəsinin 9-cu Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Qədim Süleymanova məxsus restorandan qapının qıfılına açar seçmək yolu ilə 1 450 manat dəyərində spirtli içki oğurlayan paytaxt sakinləri Kamran Məmmədov və Məhəmməd Əliyev tutulub.
Faktla bağlı araşdırma aparılır.