Yuxarı

​Bakıda quldurluqda təqsirləndirilən şəxsə hökm oxunub

Camal Eynullayev 10 il müddətinə azadlıqdan məhrum edilib

Bakı. 21 oktyabr. REPORT.AZ/ Bu gün Bakı Ağır Cinayətlər Məhkəməsində quldurluqda təqsirləndirilən Camal Eynullayevin məhkəmə prosesi başa çatıb.

"Report"un məlumatına görə, hakim Mahmud Ağalarovun sədrliyi ilə keçirilən prosesdə hökm oxunub.

Məhkəmənin hökmü ilə C.Eynullayev 10 il müddətinə azadlıqdan məhrum edilib.

Qeyd edək ki, hadisə 2014-cü ildə baş verib. Bakıda "Milli Park"ın ərazisində şəxsiyyəti məlum olmayan 4 nəfər Bakı şəhər sakini Qabil Quliyevi bıçaqla hədələyərək 230 manatını alıb. Səbail rayonu 39-cu Polis Bölməsi əməkdaşlarının keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakinləri Camal Eynullayev və Əfqan Salmanov tutulub.

C.Eynullayev 181.2.1-ci (quldurluq, qabaqcadan əlbir olan bir qrup şəxs tərəfindən törədildikdə) maddəsi ilə ittiham olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi