Bakıda qadınların qulağından qızıl sırğanı dartıb qoparan şəxs saxlanılıb

Bakıda qadınların qulağından qızıl sırğanı dartıb qoparan şəxs saxlanılıb Bakı. 3 aprel. REPORT.AZ/ Bakıda qadınlara qarşı soyğunçuluq edən şəxs saxlanılıb.
Hadisə
3 Aprel , 2018 11:47
Bakıda qadınların qulağından qızıl sırğanı dartıb qoparan şəxs saxlanılıb

Bakı. 3 aprel. REPORT.AZ/ Bakıda qadınlara qarşı soyğunçuluq edən şəxs saxlanılıb.

Daxili İşlər Nazirliyinin (DİN) mətbuat xidmətindən "Report"a verilən məlumata görə, nazirliyin “102 Zəng Mərkəzi” Xidmətinə Nəsimi rayonu ərazisində naməlum şəxsin qadına qarşı zor tətbiq edərək qızıl əşyasını alması barədə müraciət daxil olub. 

Məlumatla əlaqədar dərhal hadisə yerinə gələn Nəsimi Rayon Polis İdarəsinin 19-cu Polis Şöbəsinin əməkdaşları tərəfindən müvafiq tədbirlər həyata keçirilib. Müəyyən edilib ki, saat 10 radələrində M.Cəfərov küçəsində naməlum şəxs Bakı şəhər sakini M.Əliquliyevaya qarşı zor tətbiq edərək qulağındakı qızıl sırğanın bir tayını dartıb aparıb.

Təxirəsalınmaz əməliyyat-axtarış tədbirləri ilə soyğunçuluğu törətməkdə şübhəli bilinən şəxs qısa zamanda müəyyən edilərək polis əməkdaşları tərəfindən saxlanılıb. Araşdırmalarla onun Göyçay rayon sakini, əvvəllər məhkum olunmuş İftixar Əzizov olduğu məlum olub. Onun Bakı şəhər sakini olan G.Məmmədovaya qarşı eyni cinayəti törətdiyi də müəyyən edilib.

Faktlarla bağlı cinayət işi başlanılıb, araşdırma aparılır.

Son xəbərlər

Orphus sistemi