Bakıda qadınlara qarşı zor tətbiq edərək pullarını oğurlayan şəxs saxlanılıb

Bakı. 15 oktyabr. REPORT.AZ/ Bakıda qadınlara qarşı zor tətbiq edərək pullarını oğurlayan şəxs saxlanılıb.  

Bu barədə "Report"a Daxili İşlər Nazirliyinin (DİN) mətbuat xidmətindən bildirilib.

Belə ki, Nizami rayon Polis İdarəsinin 25-ci Polis şöbəsinin əməkdaşlarının keçirdikləri əməliyyat tədbirləri nəticəsində Bakı şəhər sakini Z.Bəkirovanın çantasından içərisində 300 manat, 50 ABŞ dolları və sənəd olan pulqabısını oğurlamaqda şübhəli bilinən paytaxt sakini, əvvəllər məhkum olunmuş Konstantin Qnuşey tutulub. Ətrafında aparılmış əməliyyat tədbirləri ilə onun daha 3 qadının çantalarından pul və sənəd oğurlaması da müəyyən edilib.