Bakı. 8 aprel. REPORT.AZ/ Bakıda qadının mənzilindən zinət əşyaları və televizor oğurlanıb.
“Report” xəbər verir ki, hadisə Nəsimi rayonunda baş verib.
Belə ki, aprelin 2-dən 6-dək naməlum şəxs və ya şəxslər A.Mustafayev küçəsindəki evlərdən birində yaşayan 1958-ci il təvəllüdlü J.Süleymanovanın mənzilinə açarseçmə yolu ilə daxil olublar. Qadının mənzilindən televizor, 3 000 manatlıq qızıl və gümüş zinət əşyaları oğurlanıb.
Hadisə baş verən zaman evdə heç kim olmayıb.
Faktla bağlı Nəsimi rayon Polis İdarəsində araşdırma aparılır.