Bakıda qadını təhdid edən şəxs tutulub

Bakıda qadını təhdid edən şəxs saxlanılıb.

“Report”un xəbərinə görə, hadisə paytaxtın Yasamal rayon ərazisində qeydə alınıb.

Belə ki, N.M (ad, soy ad şərti) E.Bağırov adlı şəxs tərəfindən təhqir və təhdid edilib.

Daha sonra qadın Yasamal Rayon Polis İdarəsi əməkdaşlarına müraciət edib.

Polis əməkdaşlarının keçirdikləri əməliyyat-axtarış tədbirləri nəticəsində E.Bağırov saxlanılıb.

Faktla bağlı araşdırma aparılır.