Bakıda qadını şantaj edərək 500 manat istəyən şəxs saxlanılıb

Bakı. 27 fevral. REPORT.AZ/ Bakıda qadını şantaj edərək 500 manat pul tələb edən şəxs saxlanılıb.

"Report"un Daxili İşlər Nazirlyinin rəsmi saytına istinadən verdiyi xəbərə görə, Bakı şəhər sakini Ellada Zərbəliyevanı (ad şərtidir) barəsində rüsvayedici məlumatlar yayacağı ilə hədələyib ondan 500 manat pul almaqda şübhəli bilinən paytaxt sakini Elnur Əbilov Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb.

Araşdırmalar davam etdirilir.