Bakıda qadına qarşı 180 min manatlıq dələduzluq edilib

Bakı. 3 aprel. REPORT.AZ/ Bakıda qadına qarşı 180 min manatlıq dələduzluq edilib.

“Report”un xəbərinə görə, 1971-ci il təvəllüdlü S.Muradova hüquq-mühafizə orqanlarına müraciət edərək dələduzluqla üzləşdiyini bildirib.

Qadın bildirib ki, 2013-cü ilin sentyabr ayından 2014-cü ilin mart ayınadək 1987-ci il təvəllüdlü N.Nəsirov onu aldadaraq 180 min manat pulunu alıb və indiyədək qaytarmayıb.

Faktla bağlı araşdırma aparılır.