Yuxarı
    Bağlamaq

    ​Bakıda qadın sürücü qəza törədib: xəsarət alanlar var - FOTO

    KİA markalı avtomobil yoldan çıxaraq hasara çırpılıb

    Bakı. 22 yanvar. REPORT.AZ/ Bakının Xətai rayonunda xəsarətlə nəticələnən qəza baş verib.

    “Report”un məlumatına görə, yol-nəqliyyat hadisəsi Nobel prospektində qeydə alınıb.

    Kərimova Səbinə İlham qızı idarə etdiyi "KİA" markalı avtomobil ilə üzü şəhər istiqamətində hərəkətdə olan zaman qəfil idarəetməni itirib və yoldan çıxaraq hasara çırpılıb.

    Nəticədə sürücü Səbinə Kərimova və yanındakı sərnişin xəsarət alıb. Onlar 1 saylı Şəhər Kliniki Xəstəxanasına çatdırılıblar.

    Hadisə yerinə gələn Xətai Rayon Polis İdarəsinin əməkdaşlarının apardığı araşdırma zamanı məlum olub ki, qəzaya yüksək sürət səbəb olub. Avtomobil evakuator vasitəsi ilə cərimə meydançasına aparılıb.

    Fakta bağlı araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi