Bakıda qadın qonaq getdiyi xarici vətəndaşın 3 min dollarını oğurlayıb

Bakıda qadın qonaq getdiyi Pakistan vətəndaşının 3 min dollarını oğurlayıb.

“Report”un xəbərinə görə, hadisə paytaxtın Nəsimi rayonu, Həzi Aslanov küçəsi, ev 85 ünvanında baş verib.

Belə ki, bir neçə gün əvvəl Pakistan vətəndaşı turist kimi Bakıya gəlib. O, kirayədə yaşadığı mənzilə əylənmək məqsədi ilə tanımadığı qadını qonaq kimi dəvət edib.

Naməlum qadın isə gecə saatlarında ona məxsus çantadan 3 min ABŞ dolları götürərək qaçıb.

Daha sonra pakistanlı turist hüquq-mühafizə orqanları əməkdaşlarına müraciət edib.

Faktla bağlı Nəsimi Rayon Polis İdarəsinin əməkdaşları ilkin axtarış tədbirlərinə başlayıb.