Yuxarı

Bakıda PPX-ya məxsus avtomobil qəzaya uğrayıb, 1 nəfər yaralanıb

Bakıda PPX-ya məxsus avtomobil qəzaya uğrayıb, 1 nəfər yaralanıb
Yaralının vəziyyəti orta-ağırdır

Bakı. 29 aprel. REPORT.AZ/ Bakıda Suraxanı Rayon Polis İdarəsinin (RPİ) Post Patrul Xidmətinə (PPX) məxsus avtomobil qəzaya uğrayıb.

"Report" xəbər verir ki, Suraxanı RPİ-nin polis serjantı, 1977-ci il təvəllüdlü Şahbuzov Sübhan Tağı oğlu idarə etdiyi xidməti "Fiat" markalı avtomobil ilə Suraxanı rayonunun Hövsan qəsəbəsi ərazisindən keçən dənizkəranı yolda hərəkətdə olarkən yolayrıcı dəmir çəpərə çırpılıb.

Qəza sürücünün idarəetməni itirməsi nəticəsində baş verib. Nəticədə polis ağır bədən xəsarətləri alaraq xəstəxanaya yerləşdirilib. Avtomobil Suraxanı RPİ-nin cərimə meydançasına aparılıb. Həkimlər yaralının vəziyyətini orta-ağır kimi qiymətləndirirlər.

Faktla bağlı Daxili İşlər Nazirliyinin Daxili Təhqiqatlar İdarəsində araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi