Bakıda polis yıxılaraq huşunu itirmiş şəxsə yardım göstərib

Bakının Xətai rayonu ərazisində içkili vəziyyətdə olan təqribən 53 yaşlı kişi yıxılaraq sol qaşından kəsilmiş-əzilmiş xəsarət alıb.

"Report" xəbər verir ki, ona ilk yardımı Xətai Rayon Polis İdarəsinin 36-cı Polis bölməsinin əraziyə gələn əməkdaşları göstəriblər və daha sonra hadisə yerinə "təcili yardım" çağırıblar.

Zərərçəkmiş Musa Nağıyev adına 1 saylı Şəhər Klinik Xəstəxanasının əvvəlcə Travmatologiya, daha sonra isə Toksikologiya şöbəsinə yerləşdirilib.

Ramin Şahbazov