Yuxarı

Bakıda piyadanın vurulması ilə nəticələnən yol qəzası baş verib

Bakıda piyadanın vurulması ilə nəticələnən yol qəzası baş verib
Piyadanın sərxoş vəziyyətdə olduğu bildirilir

Bakı. 4 fevral. REPORT.AZ/ Axşam saatlarında Bakıda piyadanın xəsarət alması ilə nəticələnən yol qəzası baş verib.

“Report”un məlumatına görə, hadisə paytaxtın Suraxanı rayonu, Hövsan qəsəbəsi, İlqar Əhlimanov küçəsində qeydə alınıb.

Belə ki, “10-XU-219” dövlət qeydiyyat nişanlı, “Qazel” markalı yük avtomobili yolu keçmək istəyən piyadanı vurub. Nəticədə piyada ağır xəsarət alıb.

Hadisə yerinə hüquq-mühafizə orqanlarının əməkdaşları gəlib. Yaralı “təcili yardım” maşını ilə xəstəxanaya çatdırılıb.

İlkin məlumata görə, piyada sərxoş vəziyyətdə olub.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi