Yuxarı

​Bakıda piyadanı vurub öldürən avtobus sürücüsünə hökm oxunub

O, 8 il müddətinə azadlıqdan məhrum edilib

Bakı. 3 mart. REPORT.AZ/ Bu gün Bakı Ağır Cinayətlər Məhkəməsində yol hərəkəti və nəqliyyat vasitələrinin istismarı qaydalarını pozmada təqsirləndirilən Sərxan Bağırovun cinayət işi üzrə məhkəmə başa çatıb.

"Report"un məlumatına görə, hakim Mayıl Bayramovun sədrliyi ilə keçirilən prosesdə hökm oxunub.

Məhkəmənin hökmü ilə S.Bağırov 8 il müddətinə azadlıqdan məhrum edilib.

Qeyd edək ki, hadisə 2015-ci ilin iyul ayında Xanlar Ələkbərov küçəsi, 25 ünvanında baş verib. Bakı şəhər sakini, 1993-cü il təvəllüdlü Bağırov Sərxan Elxan oğlu idarə etdiyi "İSUZU" markalı, 90-TV-785 dövlət nömrə nişanlı 213 saylı xətt üzrə hərəkət edən avtobusla piyada, 1958-ci il təvəllüdlü Tamella Murtuz qızı Babayevanı vurub. Piyada 3 saylı Şəhər Klinik Xəstəxanasında dünyasını dəyişib. Həyata keçirilən əməliyyat-axtarış tədbirləri nəticəsində yol qəzasını törədən sürücü S.Bağırov tutulub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi