Bakıda piyadanı vuraraq qaçan sürücü bank işçisidir

Bakıda piyadanı vuraraq qaçan sürücü bank işçisidir Bakı. 23 noyabr. REPORT.AZ/ Bakıda piyadanı vuraraq qaçan sürücü banklardan birində çalışır.
Hadisə
127
23 Noyabr , 2018 15:25
Bakıda piyadanı vuraraq qaçan sürücü bank işçisidir

Bakı. 23 noyabr. REPORT.AZ/ Bakıda piyadanı vuraraq qaçan sürücü banklardan birində çalışır.

“Report”un xəbərinə görə, noyabrın 22-də saat 6 radələrində Rəsul Atayev banka məxsus avtomobillə Nərimanov rayonunun Ziya Bünyadov prospektində yolu keçən 25-30 yaşlı kişini vurub və nəticədə həmin şəxs hadisə yerində ölüb. R.Atayev isə avtomobili sürərək ərazidən uzaqlaşıb.

Araşdırmalarla ölən şəxsin Xəzər rayon sakini Nadir Əliyev olması müəyyən edilib. Bakı şəhər Baş Polis İdarəsinin Cinayət Axtarışı İdarəsi və Nərimanov rayon Polis İdarəsinin 17-ci polis şöbəsinin əməkdaşlarının keçirdikləri əməliyyat tədbirləri nəticəsində hadisəni törətməkdə şübhəli bilinən “Toyota” markalı avtomobilin sürücüsü Gəncə şəhər sakini Rəsul Atayev olması müəyyən edilərək saxlanılıb. Nərimanov Rayon Polis İdarəsi tərəfindən araşdırma aparılır.

Son xəbərlər

Orphus sistemi