Bakıda özünü İŞİD üzvü kimi təqdim edən şəxs azyaşlını girov götürərək azad olunması üçün 30 min manat tələb edib

Bakıda özünü İŞİD üzvü kimi təqdim edən şəxs azyaşlını girov götürərək azad olunması üçün 30 min manat tələb edib Elnur Məmmədov 8 yaşlı Hüseyn Ramazanlının atasına zəng edərək polisə məlumat veriləcəyi təqdirdə uşağın orqanlarını çıxarıb satacağını deyib
Hadisə
144
11 May , 2016 11:15
Bakıda özünü İŞİD üzvü kimi təqdim edən şəxs azyaşlını girov götürərək azad olunması üçün 30 min manat tələb edib

Bakı. 11 may. REPORT.AZ/ Bakıda özünü İŞİD üzvü kimi təqdim edən şəxs azyaşlını girov götürərək azad olunması üçün 30 min manat tələb edib.

"Report"un xəbərinə görə, bu barədə Daxili İşlər Nazirliyinin rəsmi saytı məlumat yayıb.

Məlumata görə, mayın 10-da Sabunçu rayonu ərazisində yerləşən Şuşa şəhərciyində yaşayan Elnur Ramazanlı 12-ci Polis Bölməsinə müraciət edərək mayın 9-da 8 yaşlı oğlu Hüseynin evdən çıxaraq geri qayıtmamasını bildirib. 

Nazirlikdən bildirilib ki, aparılan araşdırmalarla özünü “İŞİD” üzvü kimi təqdim etmiş şəxsin E.Ramazanlının mobil telefonuna dəfələrlə zəng edib oğlu Hüseyni girov götürməsi, azad edilməsi müqabilində 30000 manat pul istəməsi və polisə bu barədə məlumat veriləcəyi təqdirdə onun orqanlarını çıxarıb satacağını deməsi müəyyən edilib. 

Bakı şəhər Baş Polis İdarəsinin Cinayət Axtarışı İdarəsi və Sabunçu Rayon Polis İdarəsinin 12-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən Abşeron rayon sakini Elnur Məmmədov tutulub, şəhərciyin ərazisində yerləşən 2 mərtəbəli tikintisi başa çatmamış tikilidə əlləri, ayaqları və gözləri yapışqanlı lentlə bağlı vəziyyətdə olan Hüseyn tapılaraq valideynlərinə təhvil verilib. 

Faktla əlaqədar cinayət işi başlanıb. 

Araşdırma aparılır.

Son xəbərlər

Orphus sistemi