Bakıda orta yaşlı qadını avtomobil vurub

Bakı. 29 may. REPORT.AZ/ Binəqədi rayonunda 1 nəfərin xəsarət alması ilə nəticələnən qəza baş verib.

"Report" xəbər verir ki, Gülüstan küçəsində yolu keçmək istəyən 1983-cü il təvəllüdlü Əliyeva Günəş Məmmədəli qızını avtomobil vurub.

Nəticədə o, ağır xəsarət alıb. Yaralı ağır vəziyyətdə 1 saylı Kliniki Tibbi Mərkəzə yerləşdirilib.

Faktla bağlı Binəqədi Rayon Polis İdarəsində araşdırma aparılır.