Bakıda orta yaşlı kişi məhkəmə binası qarşısında döyülüb

Bakı. 20 sentyabr. REPORT.AZ/ Bakının Binəqədi rayonunda döyülmə hadisəsi baş verib.

"Report" xəbər verir ki, 1964-cü il təvəllüdlü Əzimov Telman Eldar oğlu Binəqədi Rayon Məhkəməsinin qarşısında tanımadığı şəxslə əlbəyaxa olub. Sonda o döyülüb.

T.Əzimov üz və baş nahiyələrindən sınıq xəsarətləri alaraq xəstəxanaya yerləşdirilib.

Faktla bağlı Binəqədi Rayon Polis İdarəsində araşdırma aparılır.