Bakıda oğurluqla məşğul olan 19 yaşlı qız saxlanılıb

Bakı. 18 noyabr. REPORT.AZ/ Bakıda oğurluqla məşğul olan 19  yaşlı qız saxlanılıb. Bu barədə "Report"a Bakı Şəhər Baş Polis İdarəsinin (BŞBPİ) mətbuat xidmətindən məlumat verilib. Nizami Rayon Polis İdarəsi 25-ci Polis Bölməsi, Metropolitendə Polis Şöbəsi əməkdaşlarının keçirdiyi əməliyyat-axtarış tədbirləri nəticəsində Q.Qarayev prospektində yerləşən mağazada Bakı şəhər sakini Badam Əliyevanın əl çantasını oğurlamaqda şübhəli bilinən Bakı şəhər sakini, 1995-ci il təvəllüdlü Səbinə Əliyeva tutulub.

Faktla bağlı cinayət işi başlanılıb, istintaq gedir.