Bakıda oğurluq edən şəxs tutuldu

Bakıda oğurluq edən şəxs tutulub.

Bu barədə "Report"a Daxili İşlər Nazirliyinin (DİN) Mətbuat xidmətindən məlumat verilib.

Bildirilib ki, Səbail Rayon Polis İdarəsi 8-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində aprelin 19-da Y.Mürsəlov küçəsindən Bakı şəhər sakini T.İsgəndərova məxsus 3 400 manat dəyərində mopedi oğurlamaqda şübhəli bilinən Göyçay rayon sakini E.Salmanov saxlanılıb.