Bakıda motosiklеt sürücüsü qəza törədib: xəsarət alan var

Bakı. 8 may. REPORT.AZ/ Bakıda motosiklet sürücüsü qəza törədib.

"Report" xəbər verir ki, hadisə Səbail rayonu ərazisində, Bibiheybət məscidinin yaxınlığında qeydə alınıb.

Belə ki, "Zontes" markalı motosikletin sürücüsü, 1995-ci il təvəllüdlü Həsənov Ramazan Ağasəlim oğlu nəqliyyat vasitəsinə idarəetməni itirib. Nəticədə o, səkiyə çırpılıb.

Ağır xəsarət almış sürücü xəstəxanaya yerləşdirilib.

Faktla bağlı Səbail Rayon Polis İdarəsi tərəfindən araşdırma aparılır.