Bakıda meyvə daşıyan avtomobil kanalizasiya arxına düşüb - FOTO - YENİLƏNİB

Fövqəladə Hallar Nazirliyinin (FHN) əməkdaşları Qaradağ rayonu ərazisində kanalizasiya arxına düşən avtomobili çıxarıb.

Bu barədə "Report"a nazirliyin Mətbuat xidmətinin rəisi Gülçin Mehdiyeva məlumat verib.

O, "Peugeot 406" markalı maşının içərisində heç kimin olmadığını bildirib.

*** 09:27

Bakıda meyvə daşıyan avtomobil kanalizasiya arxına düşüb.

Şahidlərin “Report”a verdiyi məlumata görə, hadisə paytaxtın Qaradağ rayonu ərazisində, “Meyvəli” bazarın giriş hissəsinin yaxınlığında qeydə alınıb.

Belə ki, həmin ərazidə "Peugeot 406" markalı avtomobil kanalizasiya arxına düşüb.

Avtomobilin arxasında dövlət nömrə nişanı olmayıb.

Nəqliyyat vasitəsinin içərisində sürücünün olub-olmaması bilinmir.