Yuxarı
    Bağlamaq

    Bakıda meyiti tapılan qadının əri tərəfindən öldürüldüyü məlum olub

    Faktla bağlı Sabail Rayon Prokurorluğunda cinayət işi başlanıb

    Bakı. 21 noyabr. REPORT.AZ/ Səbail rayonunda baş verən qətldə şübhəlı bilinən şəxs saxlanılıb.

    Səbail Rayon Prokurorluğundan "Report"a verilən məlumata görə, keçirilən əməliyyat zamanı Münəvvər Miriyevanın həyat yoldaşı Elmar Əliyev tərəfindən qətlə yetirildiyi məlum olub.

    E.Əliyev bir neçə ay əvvəl həbsdən azad olunub. O, həbsxanada olduğu müddətdə həyat yoldaşı M.Miriyeva ərindən boşanmaq üçün rəsmi şəkildə məhkəməyə müraciət edib. Bu səbəbdən E.Əliyev ötən axşam restoranda qabyuyan işləyən həyat yoldaşının çalışdığı yerə gələrək onun işdən çıxmasını gözləyib. M.Miriyeva işdən çıxan zaman E.Əliyev onu bıçaqlayaraq qətlə yetirib.

    Faktla bağlı Sabail Rayon Prokurorluğunda cinayət işi başlanıb, istintaq gedir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi