Bakıda mənzildən pul və qızıl-zinət əşyaları oğurlanıb

Bakı. 25 sentyabr. REPORT.AZ/ Bakıda mənzildən pul və qızıl-zinət əşyaları oğurlanıb.

Bu barədə "Report"a Daxili İşlər Nazirliyindən (DİN) məlumat verilib. 

Belə ki, DİN-in Kriminalistik Tədqiqatlar İdarəsi, Bakı şəhər Baş Polis idarəsi və Nəsimi rayon Polis idarəsi 19-cu polis şöbəsi əməkdaşlarının birgə keçirdikləri əməliyyat-axtarış tədbirləri nəticəsində sentyabrın 10-da Nəsimi rayonu ərazisindəki evlərin birindən 2000 manat və 2000 manat dəyərində qızıl-zinət əşyaları oğurlamaqda şübhəli bilinən Ağsu rayon sakini, əvvəllər məhkum olunmuş Tərlan Xəlilov saxlanılıb.