​Bakıda məktəb şagirdlərini vuran avtobus sürücüsü saxlanılıb

​Bakıda məktəb şagirdlərini vuran avtobus sürücüsü saxlanılıb 10 yaşlı oğlan ölüb, qardaşı isə yaralanıb
Hadisə
114
1 Mart , 2016 15:12
​Bakıda məktəb şagirdlərini vuran avtobus sürücüsü saxlanılıb

Bakı. 1 mart. REPORT.AZ/ Bakı şəhəri, Maştağa qəsəbəsində ölümlə nəticələnən yol-nəqliyyat hadisəsini törətmiş avtobus sürücüsü saxlanılıb.

“Report”un hüquq-mühafizə orqanlarından əldə etdiyi məlumata görə, 172 saylı xətt üzrə hərəkət edən “Daewoo” markalı avtobusun sürücüsü Bəxtiyar Zodanov tutularaq istintaqa təhvil verilib.

Faktla bağlı Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanıb.

Qeyd edək ki, hadisə fevralın 29-da saat 08 radələrində baş verib. Sabunçu rayonunun Maştağa qəsəbəsində Bakı şəhər sakini Bəxtiyar Zodanov 172 saylı xətt üzrə idarə etdiyi “Daewoo” markalı avtobusu yolun kənarındakı ağaca vurub və idarəetməni itirdiyindən avtobus yaxınlıqda dayanmış qəsəbə sakinləri, məktəb şagirdləri - 10 yaşlı Ələm Cəfərzadəyə və qardaşı, 7 yaşlı Nicata dəyib. Nəticədə Ə.Cəfərzadə hadisə yerində ölüb, Nicata və B.Zodanovun sərnişini, 1958-ci il təvəllüdlü Məleykə Sadıqovaya xəstəxanada ilkin tibbi yardım göstərildikdən sonra buraxılıblar.

Son xəbərlər

Orphus sistemi