Yuxarı

​Bakıda maşın dairəyə çırpılıb, sürücü ölüb

Hadisə gecə saatlarında Qaradağ ərazisində baş verib

Bakı. 15 aprel. REPORT.AZ/ Bu gün səhər saat 5 radələrində Bakının Qaradağ rayonunda ölümlə nəticələnən ağır yol-nəqliyyat hadisəsi qeydə alınıb.

"Report" Fövqəladə Hallar Nazirliyinə (FHN) istinadən xəbər verir ki, bu barədə qurumun Böhran Vəziyyətlərində İdarəetmə Mərkəzinə məlumat daxil olub.

Qəza “VAZ” markalı minik avtomobilinin dairəyə çırpılması nəticəsində baş verib.

FHN-in Xüsusi Riskli Xilasetmə Xidmətinin xilasediciləri dərhal hadisə yerinə cəlb olunub, avtomobildə sıxılmış vəziyyətdə qalan sürücü, 1992-ci il təvəllüdlü Vüsal Aslan oğlu Cəbrayılzadənin cəsədini avtomobildən çıxararaq aidiyyəti üzrə təhvil veriblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi