Yuxarı

Bakıda mal gətirdiyi dükandan pulunu ala bilməyən şəxs orada soyğunçuluq edib

Hadisə Yasamal rayonunda baş verib

Bakı. 17 oktyabr. REPORT.AZ/ Bakı şəhəri, Yasamal rayonunda yerləşən dükanda soyğunçuluq edilib.

"Report" un xəbərinə görə, 26 yaşlı Emil Yusif oğlu İsgəndərov Yasamal Rayon Polis İdarəsinə (RPİ) onun obyektində işçilərinə qarşı soyğunçuluq edildiyini bildirib. E.İsgəndərov naməlum şəxsin dükana girərək kassada olan 140 manat pulu apardığını deyib.

Aparılan araşdırmalar nəticəsində soyğunçuluq etməkdə şübhəli bilinən 31 yaşlı Kamran Rəhman oğlu Gözəlzadə saxlanılıb. Dindirilmə zamanı K.Gözəlzadə dükan sahibinin ona borclu olduğunu deyib. Saxlanılan şəxsin sözlərinə görə, o dükana satılması üçün araq verib. Araqlar satılsa da pulunu ala bilməyib. Buna görə də K.Gözəlzadə bu əmələ əl atıb.

Faktla bağlı araşdırmalar davam etdirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi