Bakıda liftdə iki qadına qarşı quldurluq edən şəxsin apellyasiya şikayəti təmin edilməyib

Bakıda liftdə iki qadına qarşı quldurluq edən şəxsin apellyasiya şikayəti təmin edilməyib Birinci instansiya məhkəməsinin çıxardığı hökm dəyişdirilmədən saxlanılıb
Hadisə
18 Dekabr , 2018 10:23
Bakıda liftdə iki qadına qarşı quldurluq edən şəxsin apellyasiya şikayəti təmin edilməyib

Bakı. 18 dekabr. REPORT.AZ/ Bakı Apellyasiya Məhkəməsində paytaxtda liftdə iki qadına qarşı quldurluq etməkdə təqsirləndirilən 1990-cı il təvəllüdlü Şəhriyar Əlizadənin barəsində olan hökmdən verilən apellyasiya şikayəti üzrə məhkəmə iclası başa çatıb.

"Report"un xəbərinə görə, hakim Əflatun Qasımovun sədrliyi ilə keçirilən prosesdə qərar elan olunub.

Qərara əsasən, Ş.Əlizadənin apellyasiya şikayəti təmin edilməyib, birinci instansiya məhkəməsinin çıxardığı hökm dəyişdirilmədən saxlanılıb.

Qeyd edək ki, Bakının Nizami rayonu Qara Qarayev prospektində yerləşən binalardan birinin girişində naməlum şəxs və ya şəxslər Bakı şəhər sakinləri Vüsalə Saramanova Elnarə Mikayılovaya ağır bədən xəsarəti yetiriblər.

Nizami Rayon Polis İdarəsi (RPİ) 25-ci Polis Bölməsi (PB) əməkdaşları tərəfindən keçirilən əməliyyat nəticəsində qeyd edilən cinayəti törətməkdə şübhəli bilinən Lənkəran şəhər sakini Ş.Əlizadə saxlanılaraq istintaqa təhvil verilib.

Bakı Ağır Cinayətlər Məhkəməsinin hökmü ilə o, 10 il 6 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti verib.

Son xəbərlər

Orphus sistemi