Bakı. 6 mart. REPORT.AZ/ Bakının Nizami rayonunda kütləvi dava zamanı qətl törədən şəxs saxlanılıb.
“Report”un xəbərinə görə, dava zamanı 1966-cı il təvəllüdlü Yaşar Məmmədovu öldürən Amin Kazımov tutulub. Onun barəsində həbs qətimkan tədbirinin seçiləcəyi gözlənilir.
Qeyd edək ki, hadisə martın 4-də Qara Qarayev prospekti 62 ünvanında yerləşən 34 saylı mənzilin qarşısında baş verib. 1966-cı il təvəllüdlü Məmmədov Yaşar Məmməd oğlu və onun oğlu ilə 6 nəfər arasında dava düşüb. Bu zamanı Y.Məmmədova 3 bıçaq zərbəsi vurulub. Çoxlu qan itirən yaralı xəstəxanaya aparılarkən yolda keçinib. Hadisə zamanı habelə daha 2 nəfər xəsarət alıb.
Faktla bağlı Nizami Rayon Prokurorluğunda cinayət işi başlanılıb.