Bakı. 22 avqust. REPORT.AZ/ Bakıda kütləvi dava zamanı gənc oğlana 3 bıçaq zərbəsi vurulub.
"Report"un xəbərinə görə, hadisə Nizami rayonunda baş verib.
Belə ki, 8-ci kilometr qəsəbəsinin yaxınlığında 4 nəfər arasında əlbəyaxa dava olub. Dava zamanı 17 yaşlı Bağırov Elgün Firudin oğlunun ayaq nahiyəsinə 3 bıçaq xəsarəti yetirilib. O, çoxlu qan itirdiyindən taksi vasitəsilə xəstəxanaya çatdırılıb və yaralıya tibbi yardım göstərilib.
Faktla bağlı Nizami Rayon Polis İdarəsinin 24-cü Polis Bölməsinin əməkdaşları hadisə yerinə cəlb edilib.
Fakt araşdırılır.