Bakı. 26 dekabr. REPORT.AZ/ Gecə saatlarında Bakının Nərimanov və Binəqədi rayonları ərazisində iki piyadanın vurulması ilə nəticələnən yol-nəqliyyat hadisələri baş verib.
“Report” xəbər verir ki, Nərimanov rayonu, Əhməd Rəcəbli küçəsində yolu keçmək istəyən 1993-cü il təvəllüdlü Əliyev Kənan Əbdüləli oğlunu minik avtomobili vurub.
Yaralı xəstəxanaya çatdırılıb.
Digər hadisə isə Binəqədi rayonunun Xocasən qəsəbəsində qeydə alınıb.
1997-ci il təvəllüdlü Novruzova Firuzə Şahhüseyn qızı yol kənarında hərəkətdə olan zaman onu minik avtomobili vurub. Yaralı xəstəxanaya yerləşdirilib. O, bədənin müxtəlif nahiyələrindən sınıq xəsarətləri alıb.
Hər iki faktla bağlı hüquq-mühafizə orqanlarında araşdırma aparılır.