Yuxarı
    Bağlamaq

    Bakıda kişi özünü şadlıq sarayının qarşısında bıçaqlayıb

    Hadisə Xudafərin şadlıq evinin qarşısında qeydə alınıb© Foto: Report.az

    Bakı. 22 iyul. REPORT.AZ/ Bakıda şadlıq evinin qarşısında bıçaqlanma hadisəsi qeydə alınıb.

    "Report" xəbər verir ki, gecə saatlarında 3 saylı Kliniki Tibbi Mərkəzə bıçaq xəsarətləri alan 32 yaşlı kişi gətirilib.

    Məlum olub ki, bu, Məmmədov Ramal Məmməd oğludur. İki bıçaq xəsarəti alan R.Məmmədovu həkimlər cərrahi əməliyyat edərək Reanimasiya şöbəsinə yerləşdiriblər. Onun vəziyyəti ağır kimi qiymətləndirilir.

    Hadisə Nizami rayonunun Məhsəti küçəsində yerləşən Xudafərin şadlıq evinin qarşısında qeydə alınıb. R.Məmmədov Reanimasiya şöbəsində bildirib ki, o, özü-özünə xəsarət yetirib.

    Faktla bağlı Nizami Rayon Polis İdarəsinin 24-cü Polis bölməsinin əməkdaşlarına məlumat verilib.

    Hadisənin dəqiq başvermə səbəbləri aparılan araşdırmalardan sonra məlum olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi