Yuxarı
    Bağlamaq

    Bakıda keçmiş məhkumlar Pakistan vətəndaşını bıçaqlayıb

    Hadisə Nəsimi rayonunda qeydə alınıb

    Bakı. 14 noyabr. REPORT.AZ/ Bakının Nəsimi rayonunda 20 yaşlı Pakistan vətəndaşı bıçaqlanıb.

    "Report"un xəbərinə görə, hadisə Cavadxan küçəsində baş verib.

    Belə ki, 1996-ci il təvvəllüdlü Pakistan vətəndaşı Khan Sami Ullahanhəmin küçə ilə hərəkət edən zaman naməlum şəxslər onunla mübahisə edib. Nəticədə pakistanlı həmin şəxslər tərəfindən bıçaqlanıb.

    O, xəstəxanaya yerləşdirilib.

    Nəsimi Rayon Polis İdarəsinin (RPİ) əməkdaşları cinayət əməlini törətməkdə şübhəli bilinən şəxslərin axtarışına başlayıb. Məlum olub ki, hadisəni törədən Mingəçevir şəhər sakini əvvəllər məhkum olunmuş 37 yaşlı Zaur Hacıbalayev, Yevlax rayon sakini əvvəllər məhkum olunmuş 34 yaşlı Səbuhi Abdullayevdir. Onlar tutularaq istintaqa təhvil verilib.

    Faktla bağlı cinayət işi başlanılıb, araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi